ಮದುವೆ, ಗಂಡು

ಓಪನ್ ವಿತ್ ಸ್ಮೈಲ್...

ಪ್ರಿಯೆ,

ನನ್ನೊಳಗನಿನ್ನು ಹಿಡಿದಿಡಲಾರೆ.
ನಿನ್ನಿಂದಿನ ದಿರಿಸಲೆಷ್ಟು ಸುಂದರೆ...?

ಹ್ಮ್.. ಇದೇ. ಇದೇ ಕಣ್ಗಳವು
ನನ್ನ ಸೆಳೆದವು
ಪ್ರೀತಿಯ ಹೊಳೆಯಲಿ
ಮೀಸಿದವು.

ಮಧುರ ಕೈಗಳಿಗೆ ಮದರಂಗಿ
ನನ್ನ ಮನ ಚಿತ್ತಾರದಂಗಿ
ಹೊದ್ದು ಹೇಗಿರಲೇ...
ಅಂಗಿಯೊಳಗಿನ್ನೊಂದು ಭಂಗಿ...?

ಉಡುಗೊರೆಯ ಮರೆಯಬೇಡವೆಂದೆ
ಮರೆತೆ, ನನ್ನ ನಾನೆ ಮರೆತವಗೆ
ಉಡುಗೊರೆಯ‌ ನೆನಪೆ...?
ನನ್ನೊಳಗನಿನ್ನು ಹಿಡಿದಿಡಲಾರೆ...

**********

ನೆಂಟರಿಗೆ,

ಬಂದ ಉಡುಗೊರೆ ಮೇಲೆ ಕಣ್ಣು
ವಸ್ತ್ರ, ಪಾತ್ರೆ‍‍‍, ದುಡ್ಡು
ಜೊತೆಗಿದೊಂದು ಗ್ರೀಟಿಂಗ್ ಕಾರ್ಡು
ಒಡೆದೋದಿದವ ಮದುವೆ ಗಂಡು